Hér er að finna upplýsingar um verkefni sem eru á vegum menntamálaráðuneytisins og Menntagátt kemur að með einum eða öðrum hætti.
Samfélög
Vinnuhópar á vegum Menntamálaráðuneytisins og/eða Menntagáttar hafa hér aðgang að samfélagi á netinu. Einungis þeir sem hafa fengið úthlutað þar til gerðu lykilorði komast inn í samfélögin, forsíðan er þó opin öllum.
Upplýsingar um stafrænt námsefni sem styrkt hefur verið af menntamálaráðuneytinu
Á árinu 2006 veitti ráðuneytið 16 styrki til gerðar stafræns, gagnvirks námsefnis sem skyldi vera aðgengilegt á Netinu. Upplýsingar um verkefni sem hlutu styrki er að finna hér á vefnum en Menntagátt annast ýmsa umsýslu í tengslum við styrkveitinguna.
Vísindi á Menntagátt
Með styrk frá menntamálaráðuneytinu hafa verið settar upp vefsíður til stuðnings raungreinakennslu. Þar er vísað á efni sem ætti að vera áhugavert fyrir raungreinakennara að kynna sér.
Áræði með ábyrgð
Áræði með ábyrgð er heiti á stefnu menntamálaráðuneytisins um upplýsingatækni í menntun, menningu og vísindum 2005-2008. Framtíðarsýnin sem sett er fram í stefnunni spannar vítt svið menntunar, menningar og vísinda og felur í sér að allir fái tækifæri til að tileinka sér nauðsynlega færni og taka þátt í upplýsingasamfélaginu á eigin forsendum. Stefnuna má lesa í heild sinni á vef menntamálaráðuneytisins.
Einnig er rétt að benda á útgefið rit, Menntamálaráðuneytið - Menning, menntun og vísindi. Ritið er einnig er aðgengilegt á vef ráðuneytisins en í því er fjallað um ráðuneytið og þá málaflokka sem heyra undir það.
Vatn
Ísland hefur frumkvæði að norrænu verkefni um mikilvægi neysluvatns. Tíu grunnskólar þátt í verkefninu, tveir frá hverju Norðurlandanna fimm. Nemendur munu haustið 2005 vinna ýmis verkefni sem tengjast neysluvatni. Verkefnið leggur m.a. áherslu á að nemendur nýti upplýsingatækni. Norræna ráðherranefndin styrkir verkefnið fjárhagslega en verkefnastjórn er á Íslandi þar sem ráðuneyti menntamála og umhverfismála átti frumkvæði að verkefninu.
Evrópuár um borgaravitund og lýðræði í skólastarfi 2005
Evrópuráðið tilnefndi árið 2005 „Ár borgaravitundar og lýðræðis í skólastarfi“. Menntamálaráðuneytið tók þátt í verkefninu. Markmiðið var að vekja til umhugsunar um hlutverk og mikilvægi menntunar til að efla lýðræðisvitund ungmenna í skóla- og félagsstarfi, stuðla að gagnrýnni og sjálfstæðri hugsun, umburðarlyndi og virðingu fyrir náunganum.
Samkeppni í grunnskólum um sjávarútvegsvef
Sjávarútvegsráðuneytið og menntamálaráðuneytið stóðu fyrir samkeppni 2005 meðal grunnskóla landsins um verkefni sem bar yfirskriftina Sjávarútvegur í fortíð, nútíð og framtíð í tilefni af því að 100 ár voru frá því að fyrsti íslenski togarinn, Coot, kom til heimahafnar í Hafnarfirði.
Námskeið í dreifmenntun
Menntamálaráðuneytið hefur staðið að námskeiðum í upplýsingatækni og dreifmenntun fyrir kennara í framhaldsskólum. Hér á Menntagátt er efni frá námskeiðunum.
Þróunarstarf - Minnisbók
Í október 2002 gaf menntamálaráðuneytið út smárit sem nefnist Minnisbók. Þar er að finna upplýsingar um verkefni sem hafa eða er verið að vinna í ráðaneytinu og tengjast upplýsingatækni í menntun og menningu. Efni Minnisbókarinnar má finna hér - Þróunarstarf.
Fjölbrautaskóli Snæfellinga
Undirbúningur að stofnun framhaldsskóla á norðanverðu Snæfellsnesi hófst í lok mars 2003, kennsla byrjaði haustið 2004. Skólinn hlaut nafnið Fjölbrautaskóli Snæfellinga. Hér eru vefsíður sem veita upplýsingar um undirbúning að stofnun skólans en vefur skólans er á slóðinni fsn.is.
