| |
Velkomin(n) á umræðuþing |
|
 |
|
Hægt er að skoða umræður á þinginu án lykilorðs
Til að taka þátt í umræðum á þinginu verða notendur hafa skráð sig með nýskráningu
Við nýskráningu verður lykilorð sent í pósti til lögheimilis þátttakanda samkvæmt þjóðskrá |
|
|
Breytt námsskipan til stúdentsprófs
Út er komin skýrslan Breytt námsskipan til stúdentsprófs – aukin samfella í skólastarfi. Skýrslan var unnin af starfshópum og verkefnisstjórn sem höfðu m.a. það hlutverk að setja fram tillögu um breytta námsskipan til stúdentsprófs og meta fjárhagsleg áhrif svo og áhrif hennar á starfsfólk skóla.
Eitt af markmiðunum með styttingu námstíma til stúdentsprófs er að gera íslenskum ungmennum kleift að ljúka framhaldsskólanámi á sambærilegum tíma og jafnaldrar þeirra í nágrannaríkjunum án þess að slakað sé á þeim kröfum sem gerðar eru til stúdentsprófsins. Þar með væri starfsævi þeirra jafnframt lengd um eitt ár. Með þeirri breyttu námsskipan sem nú hafa verið lögð drög að er hins vegar ekki einblínt á styttingu námstímans heldur stefnt að því að efla og bæta það starf sem fram fer í leikskóla, grunnskóla og framhaldsskóla.
Jafnframt hefur verið haft að leiðarljósi að ekki megi draga um of úr þeim sveigjanleika sem nú einkennir framhaldsskólanámið. Mikil fjölbreytni er í námsvali á háskólastigi og því mikilvægt að nemendur geti undirbúið sig með ákveðið háskólanám í huga. Þannig verður áfram gert ráð fyrir sömu hlutföllum á milli kjarna, kjörsviðs og vals og er í núverandi kerfi. Nú ljúka flestir framhaldsskólanemendur stúdentsnámi á fjórum árum þótt meðalnámstíminn sé lengri. Með þeim breytingum sem verið er að boða yrði nemendum auðveldað að ljúka stúdentsnámi á þremur árum og meðalnámstíminn styttist.
| |
Skjöl á vefnum sem varða styttingu námstíma til stúdentsprófs |
|
|
